ਜੇਕਰ ਰਾਜਨੀਤੀ ਨਾ ਬੇਈਮਾਨ ਹੁੰਦੀ ,

ਫੇਰ ਪੈਦੇ ਨਾ ਡਾਕੇ ਸਾਡੇ ਪਾਣੀਆਂ ਤੇ !

ਜੇ ਇਹਨਾਂ ਦੇ ਦਿਲਾਂ ਵਿੱਚ ਪੰਥ ਲਈ ਦਰਦ ਹੁੰਦਾ,

ਕੌਣ ਕਰਦਾ ਕਿੰਤੂ ਪਰੰਤੂ ਬਾਣੀਆਂ ਤੇ !

ਆਪਣੇ ਘਰ ਵਿੱਚ ਹੀ ਕਦਰ ਪੈਂਦੀ ਪ੍ਰਦੇਸੀ ,

ਮੁੜ ਬਣਦੇ ਗੁਲਾਮ ਕਿਉ,

ਇੰਗਲੈਂਡ ਦੀਆ ਰਾਣੀਆਂ ਦੇ !

ਨਸ਼ਿਆ ਦੇ ਦਰਿਆ ,

ਕਾਸ਼ ਸੁੱਕ ਜਾਂਦੇ !

ਚਿਹਰੇ ਹੋਣੇ ਸੀ ਖਿੜ੍ਹੇ ਫੁੱਲ ਵਾਂਗੂ ,

ਮੇਰੇ ਹਾਣੀਆਂ ਦੇ !

ਬੜੇ ਸਾਲਾਂ ਤੋ ਭੋਗ ਰਿਹਾ ,

ਸੰਤਾਪ ਪੰਜਾਬ ਸਾਡਾ !

ਸਿਆਸਤ ਦੀਆ ਵੰਡਾਂ ਕਾਣੀਆਂ ਦੇ !

ਅੱਜ ਆਪਣੇ ਹੀ ਵੈਰੀ ਹੋਏ ਦੇਖੋ ,

ਲੈ ਕੇ ਬੈਠੈ ਆਰੀਆਂ ,

ਵੱਢਣ ਨੂੰ ਏਸ ਦੀਆ ਟਾਹਣੀਆਂ ਤੇ !

ਕੌਮ ਦੇ ਸੂਝਵਾਨ ਅਗਵਾਈ ਕਰਦੇ ਸਾਡੀ ,

ਤਾਂ ਮੱਥਾ ਟੇਕਦੇ ਲੋਕ ਕਿਉ ,

ਅਖੌਤੀ ਸੰਤਾਂ ਅਤੇ ਮੜੀ, ਮਸਾਣੀਆਂ ਤੇ

ਭਾਈਚਾਰਕ ਸਾਂਝ “ਪਰਮ”

ਮਜਬੂਤ ਹੁੰਦੀ ,

ਕਾਤੋ ਝੂਰਦਾ ਪੰਥ ,

ਵਧੀਕੀਆਂ ਪੁਰਾਣੀਆਂ ਤੇ

ਵਧੀਕੀਆਂ ਪੁਰਾਣੀਆਂ ਤੇ ..!!!!!!